Алдагы төндә Җиргә "йолдызлар яңгыры" явачак

Россиянең Европа өлешендә яшәүчеләр якшәмбегә каршы төндә сәгатенә 150гә кадәр метеор күзәтәчәк: 13 августка каршы төндә Персеид метеор агымы үзенең иң югары чигенә җитәчәк. Бу хакта "Известия" җиткерә.

Мәскәү планетариясе матбугат хезмәтендә "Интерфакс"ка, Ай кимеп килүгә карамастан, Россиянең Европа өлешендә йолдызлар атылу яхшы күренәчәк, сәгатенә 100дән 150гә кадәр метеор атылуын күзәтеп булачак, дип белдергәннәр.

Персеид метеор агымы үз исемен Персей йолдызлыгыннан алган, анда радиант агымы бар, диелә.

Татар-информ