Сәламәтлекне ныгытабыз

Муеныгыз җыерчыклымы?

Муеныгыз җыерчыксыз һәм шома булсын дисәгез, компресс ясагыз. Моның өчен 1 йомырка сарысы, 1 чәй калагы бал һәм 1 чәй калагы каймакны кушыгыз да катнашманы сөлгегә тигез итеп җәегез, сөлгене муенга урагыз. Өстенә клеенка каплап, бинт белән ныгытыгыз. 20 минут үтүгә, катнашманың калдыкларын җылы су белән юып төшерегез һәм крем сөртегез.

Йөткерүдән чара

Йөткерүдән котылу өчен ярты стакан кайнар сөткә ярты стакан минераль су яки 1 стакан кайнар сөткә 1 чәй калагы бал кушып эчегез. Ә балаларга сөткә инҗир кушып эчерү файдалы.

ЗАРАРЫ БУЛЫРГА МӨМКИН. ТАБИБ БЕЛӘН КИҢӘШЛӘШҮ ЗАРУР.