Кукмараның акушерлык бүлеге

Тасвирлама:
Акушерлык бүлеге йөклелекләре 22 атнадан булган хатын-кызларны дәвалый, аларга бала тапканда һәм бала тапканнан соң медицина ярдәме күрсәтә, шулай ук яңа туган балаларны тәрбияли.
Эш вакыты:
Тәүлек буе
Телефон:
- 8 (84364) 2-77-62
Сайт:
https://zdrav.tatar.ru/crbkukmor/about
Социаль челтәрләр:
- https://vk.com/kukmor_crb
Адресы:
422110, Татарстан Республикасы, Кукмара шәһәре, Ворошилов урамы, 24нче йорт

Акушерлык бүлегендәге җиһазлар: яңа туган балалар өчен «Аист» өстәлләре, авырлыгы аз булган һәм авыру балаларны тәрбияләү өчен «Bear cub» ИВЛ аппаратлары, BLF-2001 medcor инкубаторлары, «КРН-01» ачык реанимация системасы, «МАК-01-«r» мониторы, дару препаратларын кертү өчен «Перфузор компакт с» дозаторлары, ана карынындагы яралгының торышын тикшереп торырга мөмкинлек бирүче «BFM-800» феталь мониторы, күчерелмә «Унисон» УЗИ аппараты, фототерапия өчен KLA-145 лампасы, 7F-3 һәм OC-F-5A кислород концентраторлары, Oto-Read аудиологик җайланмасы, кандагы билирубинны билгеләү өчен билитест 2000. Кукмараның акушерлык бүлеге түбәндәге хезмәтләрне гамәлгә ашыра: авырлы хатыннарны дәвалау һәм күзәтү, йөклелек патологиясен диагностикалау, вакытыннан алда бала табу куркынычы булганда йөклелекне озынайту, бала табуга психопрофилактик әзерлек, бала табуны сакчыл алып бару, кирәк булса — оператив рәвештә хәл итү, бала тапкан вакытта ышанычлы һәм сыйфатлы итеп авыртуны баса белү, бала белән бергә булу, вакытыннан алда туган һәм авырлыгы аз булган балаларны тәрбияләү, үпкәләрне ясалма вентиляцияләү ярдәмендә яңа туган балаларны дәвалау, яңа туган балаларда патологик билгеләрне диагностикалау, ананы бала карарга, имезергә өйрәтү һәм башкалар.