Биерын эктонъя вожвылъяськон ортчоз

Биер клубын удмурт эктонъя «Эктон дыр» улосвылкуспо вожвылъяськон ортчоз. Ужрадэ егитъёслэн но бадӟымъёслэн коллективъёссы пыриськыны быгато – со 14 но тросгес аресъем эктӥсьёс. Программая чакламын вашкала, туала шӧмо но серемес карем удмурт эктонъёс.
«Эктон дыр» конкурсэ пыриськыны малпасьёс дыртыны кулэ — вазиськонъёсты кутон йылпумъяськытозь куинь нунал гинэ кылиз на. Берпуметӥ дырыз – 15-тӥ оштолэзь. Нош ачиз вожвылъяськон 29-тӥ оштолэзе радъяськоз.
Тодады вайытом, «Эктон дыр» вожвылъяськон кыкетӥзэ луоз ни. Кылем арын ужрадэ 10-лэсь ятыр коллективъёс пыриськизы. Асьсэлэсь усто луэмзэс учкисьёслы но дунъясьёслы возьматӥзы ёросысьтымы лулчеберет юрт бордын ужась удмурт коллективъёс но Агрызысь но Вятские Поляныысь куноос.