Сәрдекбаш - чемпион

автор, 15 марта 2013 - 06:18

2126

Кыш буе Сәрдекбаш, Зур Сәрдек, Аш-Буҗи, Вахит, Чишмәбаш, Мәмәшир, Камышлы, Лубян, Олыяз, Күкшел, Яңа Сәрдек, Купка авылларының хоккей командалары район чемпионы исемен алу өчен көрәште. Киеренке бәйгеләрдән соң финалга өч команда - Сәрдекбаш, Зур Сәрдек, Аш-Буҗи командалары килеп җитте.

Язның иң матур бәйрәмнәренең берсе - 8 Мартта Вахит авылындагы хоккей мәйданчыгында финалга чыккан өч команда очрашты һәм һәр команда үзара да көч сынашты. Ярыш нәтиҗәләре түбәндәгечә булды: Сәрдекбаш-Зур Сәрдек - 6:2, Сәрдекбаш-Аш-Буҗи - 4:0, Зур Сәрдек-Аш-Буҗи - 3:2. Шулай итеп, район чемпионы булып, Сәрдекбаш командасы танылды. II-III урыннарны Зур Сәрдек һәм Аш-Буҗи командалары бүлеште.

Ярышларны оештыруда ярдәм күрсәткән Сәрдекбаш, Зур Сәрдек, Мәмәшир, Күкшел, Березняк, Олыяз авыл җирлекләре башлыкларына, Лубян урман көллияте җитәкчелегенә, финал өлешен үткәрүдә ярдәм иткән Вахитов исемендәге күмәк хуҗалык җитәкчесе һәм Янил авыл җирлеге башлыгына рәхмәт.