Кукмаралылар Арчадан җиңү белән кайттылар

"Зилант" спортмәктәбенең өстәл теннисы бүлегенә йөрүчеләр 2003 елда туган һәм аннан яшьрәкләр арасында Арчада үткән ачык шәхси -команда район беренчелегендә катнаштылар. Команда беренчелегендә "Зилант" җиңүче булды. Гүзәлия Галиуллина һәм Руслан Гафиевлар (4 урта мәктәп) шәхси зачетта - беренче, Нәфкат Галиуллин (Зур Кукмара урта мәктәбе) - икенче урыннарны алдылар. Ә Шәмәрдәндә булган ачык беренчелектә үз яшьтәшләре арасында Дилә Кәримова (4 урта мәктәп) -икенче, Динә Кәримова (4 урта мәктәп) һәм Нәфкат Галиуллиннар (Зур Кукмара урта мәктәбе) - өченче урыннарны яуладылар. Балаларны ярышка тренер Таһир Хафизов әзерләде.