Штраф белән котылганнар

Район прокуратурасы Иске Кенә авылында яшәүче 22 яшьлек Сергей Павлов, 24 яшьлек Денис Фәйзуллин, 23 яшьлек Александр Егоровларга

карата ачылган җинаять эше буенча дәүләт гаепләвен яклап чыкты.

Судта ачыкланганча, быел 10 август төнендә Иске Кенә авылы урамнарының берсендә полиция хезмәткәрләре мотоцикл янында өч үсмерне күрәләр. Аларга якынлашу белән икесе йөгереп кача, берсен полиция хезмәткәрләре өенә озатып куялар. Бу вакытта мотоцикл янына Павлов, Фәйзуллин һәм Егоров килә, берсе мотоциклга хуҗа булырга ниятли, тәртип саклаучылар аңа комачауламакчы булгач, егетләр полиция хезмәткәрен таяклар белән кыйныйлар. Барысы да гаепләрен таныдылар. Моны исәпкә алып, суд аларга җәзаны 5әр мең сум күләмендә штраф рәвешендә билгеләде.

Хөкем карары үз көченә керде.