Район прокуратурасы җирле үзидарә эшчәнлегендә коррупциягә каршы тору турындагы законнарның үтәлешен тикшерде

Җирле хакимиятләрдән муниципаль хезмәткәрләр саны һәм аларны тотуга киткән финанс чыгымнары турындагы мәгълүматның ачыклыгын тәэмин итүне таләп итте. "Коррупциягә каршы тору турында"гы һәм "Россия Федерациясендә җирле үзидарәләрне оештыруның гомуми принциплары турында"гы законнар нигезендә җирле хакимиятләр мондый мәгълүматны Интернет челтәрендә урнаштырырга тиеш. Әмма тикшерү нәтиҗәләре күрсәткәнчә, районның 30 муниципаль берәмлеге бу таләпне үтәмәгән. Прокуратура бу кимчелекләрне бетерү һәм гаепле затларны тәртип җаваплылыгына тарту турында әлеге муниципаль берәмлекләрнең җитәкчеләренә күрсәтмәләр җибәрде. Актлар каралу стадиясендә.