Кукмарада район прокуроры Кубогына шайбалы хоккей буенча ачык беренчелек узачак

Шимбә, 19 мартта, "Олимп" боз сараенда (Кукмара поселогы, Ленин урамы, 37Б йорт) район прокуроры Кубогына шайбалы хоккей буенча ачык беренчелек була. Турнирда алты команданың катнашуы көтелә. Болар: Татарстан прокуратурасының җыелма командасы, "Кукмара ветераннары", "Нур" (Кукмара), "Витязь" (Киров өлкәсе), "Ястребы " (Апас), "Хәсәншәех" (Арча) командалары.

Ярышлар ике этапта үтәчәк. Иң элек командалар үзара ике төркемчәдә уйный. Шул ук көнне төркемле тур җиңүчеләре баш приз өчен көч сынашачак.

Турнир сәгать 9.00да башлана. Керү ирекле.

Җанатарларны, спорт сөючеләрне көтеп калабыз.