Биер гуртысь дышетӥсь огъяросси «Туган тел» конкурслэн лауреатэз луиз

Казаньын анай кылъя дышетӥсьёслэн огъяросси мастер-классъёс возьматонъя «Туган тел» конкурссы ортчиз. Ужрад куинь этапен радъямын вал. Нырысь быръён люкетэз ёросъёсын луиз, кыкетӥ элькун этапез – заочной амалэн ортчиз. Отчы 83 дышетӥсьёс пыриськизы. Нош йылпумъян люкетаз ортчизы Татарстан Элькунысь 36 дышетӥсьёс но шаермылэн мукет улосвылъёсысьтыз 12 дышетӥсьёс. Биер гуртысь шоръёзо школаысь удмурт кылъя но литературая дышетӥсь Владимир Ахметов вожвылъяськонлэн лауреатэз луиз.