Зур Сәрдектә Айнур Гәрәев призына хоккей ярышы үтте (+Фотолар)

Районда игълан ителгән "Спорт һәм яшьләр сәясәте елы" кысаларында Зур Сәрдек авыл җирлегендә төрле турнирлар, спорт ярышлары еш уздырылып тора. 3 февраль көнне Айнур Гәрәев призына уздырылган хоккей ярышларында Зур Сәрдек, Купка, Чишмәбаш, Киров өлкәсенең Урта Өшен авылы, Арча районының Яңа Кенәр авылы командалары катнашты. Кубок Зур Сәрдеклеләрдә калды, Кенәрлеләр һәм Өшенлеләр икенче-өченче урыннарны бүлештеләр. Ярышларны уздырырга Зур Сәрдек авылы яшьләре, Гүзәлия Шакирова, Илдус Төхбәтуллин,Мөдәрис Ибраһимов, Илшат Хөсәенов, Гәрәевлар һәм Фахаровлар гаиләләре дә зур ярдәм күрсәттеләр. Командалар кайнар чәй, шашлык һәм бәлеш белән сыйландылар.

Рәмзия Хөсәенова хәбәре һәм фотолары