“Зилант”та Кукмара һәм Әлмәт боксчылары көч сынашты

"Зилант" спорт мәктәбендә бокс буенча Әлмәт һәм Кукмара спортчылары матч очрашуы үткәрелде. Турнир барышында рингка һәр командадан алтышар спортчы чыкты. Арслан Ходайбиргәнов, Мирзәхмәт Мулләхмәтов, Рафил Камалов, Адель Габдрахманов, Эдуард Ивановлар үз үлчәү авырлыкларында җиңүгә ирештеләр. Әнвәр Мамаджановның көндәше белән очколары бертигез булды. Шулай итеп безнекеләр үзләренең көчле спортчылар икәнлеген расладылар. Җиңүчеләргә бүләкләрне һәм призларны "Строй-Гарант" оешмасы җитәкчесе, районыбызның бокс федерациясе президенты Илсур Шәрипов тапшырды. Кукмара егетләренең тренерлары - Ленар Галиев, Ленар Әүхәдиев, Алексей Гоглев.