“Ялкын”да волейбол турниры узды

"Ялкын" спорткомплексында Виктор Аввакумов истәлегенә багышланган волейбол буенча турнир үткәрелде. Анда районыбызның оешма-учреҗдениеләре командалары көч сынашты. Турнир финалында район электр челтәре һәм ветераннарның (Олыяз, Янил авылларыннан берләшкән) командалары очрашты. Кискен көрәштә район электр челтәрендә эшләүчеләр җиңеп чыктылар һәм алар Виктор Аввакумовның улы әзерләгән төп приз - волейбол туплары белән бүләкләнделәр. Ә өченче-дүртенче урыннар өчен көрәшергә район үзәк дәваханәсе һәм "Намус" командалары мәйданга чыкты. Нәтиҗәдә "Намус" командасы призлы өченче урынны яулады. Икенче-дүртенче урыннарны алган командаларга шулай ук акчалата призлар тапшырылды. Бу көнне шулай ук бүген безнең арабызда булмаган волейболчы- спортчылар да искә алынды.

Борис КАРПЮК