Кукмаралылар “Мини-футбол – мәктәпкә” бөтенроссия проектында катнашты

Урта белем бирү йортлары арасында бара торган "Мини-футбол - мәктәпкә" бөтенроссия проекты кысаларында Зур Кукмара урта мәктәбенең 1999-2000 елгы яшүсмерләр командасы республикада финалга чыгып 1 урынны алды. Команданы ярышларга педагог Фәрит Сәйфетдинов һәм "Ялкын" яшүсмерләр клубы педагогы Илнур Фазыловлар әзерләделәр. Әлеге команда республика данын яклап Түбән Новгород шәһәрендә узачак россиякүләм ярышларда катнашачак. Финал ярышлары тәмамлангач, бу көнне Фәрит Сәйфетдиновка Казанда һәм Татарстанда мини-футбол хәрәкәтенең 25 еллыгы уңаеннан һәм мини-футбол ярышларын үткәрүгә керткән зур өлеше һәм ярдәме өчен Казан шәһәренең мини-футбол Федерациясе рәисе Сергей Рожковның Рәхмәт хаты тапшырылды.