Кукмарада шахмат буенча район беренчелеге узачак

(Кукмара, "Хезмәт даны"). 20 гыйнвардан 3 февральгә кадәр Кукмараның шахмат клубында (авыл хуҗалыгы һәм азык төлек идарәсе бинасы) хатын-кызлар һәм ир-атлар арасында классик шахмат буенча район беренчелеге үткәрелә. Җирәбә 20 гыйнварда 17.00 сәгатьтә салына. Беренче тур 18.00 сәгатьтә үткәрелә. 22 гыйнварда - икенче тур (18.00 сәгатьтә), 24 гыйнвар - өченче тур (10.00 сәгатьтә), дүртенче тур (14.00 сәгатьтә), 27 гыйнварда - бишенче тур (18.00 сәгатьтә), 29 гыйнварда - алтынчы тур (18.00 сәгатьтә), 31 гыйнварда -җиденче тур (10.00 сәгатьтә), сигезенче тур (14.00 сәгатьтә), 3 февральдә - тугызынчы тур (18.00 сәгатьтә), 20.00 сәгатьтә - бүләкләү. Турнирда теләгән һәркем катнаша ала.