Кукмара чаңгычылары булдыра! (фото)

Ижевск каласында тау чаңгысы спорты буенча "Удмуртиянең Олимпия ышанычлары" дип аталган республика ярышы үтте. Анда "Зилант" спорт мәктәбендә шөгыльләнүчеләр дә катнашты. Слалом-гигант төрендә үз яшьтәшләре арасында Әмир Гайнанов җиңүче булды, Азалия Нуриева икенче урынны, Әнис Нуриев өченче урынны алды. Слалом комбинациясе төрендә Әмир шулай ук алтын медальгә ия булды. Спортчы егетләр барысы да күппрофильле лицейда белем алалар.