Кукмара бадминтончылары булдыра!

12 апрель - Бадминтончылар көненә багышлап Балтачта МДСУ-1 призына бадминтон ярышы үткәрелде. Бадминтон уены - космонавтларның төп күнегүләренең берсе булып тора. Шуңа күрә ике бәйрәмнең бер көнгә туры килүе очраклы түгел.

Әлеге турнирда Зур Кукмара авылыннан Илһам Кәрамов, Кукмарадан Алена Бурцева, Поч. Сутердан Ленар Гыйльмановлар (тренерлары Рәшит Гыйлаев, Мөнир Гыймадиев, Иван Шапеевлар) шәхси беренчелектә өченче урыннарны алдылар. Шунысы сөенечле: 10 сыйныфта гына укыса да, Илһам Кәрамовның бүгенге көндәге уңышлары сокланырлык. Ул республика бадминтончылары арасында беренче унлыкта бара.

Әлеге турнирда Азат Шаһабиев, Альбина Сабирова, Рушан Кашаевлардан торган команда ярымфиналга чыкты.