Фаҗигагә юлыгып вафат булган Азат Нуриев истәлегенә мини-футбол турниры узды

(Кукмара, "Хезмәт даны"). Зур Кукмараның спорт яратучылар төбәге булганы беркемгә дә сер түгел. Спорт белән шөгыльләнүдән тыш, бу авылда яшәүче ир-егетләр яшь килеш вафат булган авылдаш спортчылары истәлегенә ел саен зурлап спорт турнирлары да үткәрәләр. Үткән елның июнь аенда авыл тагын бер булдыклы спортчысын югалтты - 32 яшьлек Азат Нуриев Казан шәһәрендәге төзелешләрнең берсендә фаҗигагә юлыгып вафат булды. Тәртипле, кешелекле егет иде ул. Әтисе Мәгъсүм абый да тирә-юньгә танылган спорт ветераны, озак еллар мәктәптә балларга физкультура фәне укытты, әле бүген дә кичләрен мәктәп спорт залында волейбол буенча авыл халкы өчен күнегүләр үткәрә.