Чемпионнар билгеле

автор, 12 марта 2013 - 12:26

973

Классик шахмат буенча район чемпионаты тәмамланды. Ир-егетләр арасында чемпион булып Александр Васильев калды. Икенче урынны күппрофильле лицейның 8 сыйныфында укучы Айнур Җиһаншинның алуы - яшь шахматчының зур уңышы. Өченче урында - Камил Шәймәрданов. Ул ветераннар арасында иң көчле шахматчы исемен яулады.

Хатын-кызлар арасында беренче урында - Маргарита Закирова, икенче - күппрофильле лицейның 2 сыйныф укучысы Диана Гарәфетдинова, өченче урында шул ук мәктәптән 2 сыйныф укучысы Полина Гареева.

Ветеран шахматчылардан Альберт Сәләхов - икенче, Хәйдәр Гарипов - өченче, Рәис Камалов дүртенче урыннарны алдылар.

Балалар арасында күппрофильле лицейның 2 сыйныф укучылары Ирек Галиев, Илфар Садуртинов беренче-икенче урыннарны алдылар һәм өлкәннәр белән уйнаганда үзләрен өметле шахматчылар итеп таныттылар.