Киокусинкай каратэ белән шөгыльләнүче спортчыларыбыз республика беренчелегендә өченче урынны яулады

ТАССР оешуга 95 ел булу уңаеннан "Зилантта" киокусинкай каратэның "ката" төре буенча чемпионат һәм республика беренчелеге үтте. Анда Казан, Яр Чаллы, Чистай, Баулы, Әлмәт, Зәй, Түбән Кама һәм башка шәһәр-районнардан 140тан артык спортчы катнашты. Яшьтәшләре арасында үз үлчәү авырлыкларында Раяз Нигъмәтуллин, Настя Шакирова, Нияз Мотыйгуллин, Ибраһим Сәмигуллин, Фәрхәт Гараев, Булат Миневәлиев, Денис Константиновлар җиңүчеләр һәм призерлар булдылар. Ә гомуми зачетта безнең команда өченче урынны яулады. Спортчыларны турнирга "Атлант" яшүсмерләр клубы тренерлары Айдар Борһанов һәм Илшат Сәмигуллиннар әзерләделәр.

фото: http://yandex.ru/clck/jsredir?from=yandex.ru%3Bimages%2Fsearch%3Bweb%3B%3B&text=&