Зур Сәрдек җирлегендә эшмәкәрлек күп акчалар китерә

Узган ел Зур Сәрдек җирлегендә эшмәкәрлек белән шөгыльләнүдән һәм үзмәшгульлектән бер хуҗалыкка исәпләгәндә 621 мең сум керем алынган. Бу – район җирлекләре арасында гына түгел, республика буенча иң зур күрсәткеч. Җирлектә 972 хуҗалык булса, аларда 1500 мөгезле эре терлек асрала. Бу як төбәк халкы яшелчә үстерү остасы буларак та танылган.

Үзара салым программасы ярдәмендә авылларда күп социаль мәсьәләләр хәл ителә.

- Сезнең җирлектә дәүләт программалары нигезендә дә ел саен бер-ике объект төзелә. Киләчәктә үзәк урам юлын төзекләндерү, Аш-Буҗи авылында яңа клуб салуны дәүләт программасына кертү планлаштырыла, - дип билгеләп үтте район башлыгы Сергей Димитриев җирлектә булган халык җыенында.