Район башлыгы март аеның юбилярларын бәйрәмнәре белән котлады

Март аенда Арпаяз авылында яшәүче Мәгефүрә Шакирова, Тарлаудан Шәгәрзадә Хәбибрахмановалар 95 яшьлек юбилейларын билгеләп үтәләр, Кукмарадан Рәхимулла Низамиев, Гелзифа Васильева, Кәркәүчтән Раузабикә Зиннурова, Түбән Үрәстән Александра Андреева, Арпаяздан Хәкимулла Нәбиуллин, Янилдән Нина Максимова, Каенлыктан Наилә Газизуллина, Камышлыдан Сабира Сафиуллиналарга 90 яшь тула.

Район башлыгы Сергей Димитриев ветераннарны  олуг юбилейлары белән ихластан котлый, аларга күңел тынычлыгы, сәламәтлек, балаларының, оныкларының, якыннарының хөрмәтен тоеп яшәүләрен тели.