Кукмарага Татарстан Премьер-министрының беренче урынбасары Алексей Песошин килде (+фото)

Бүген район Советының 42нче сессиясе булып үтте. Аның эшендә Татарстан Премьер-министрының беренче урынбасары Алексей Песошин, Татарстан Дәүләт Советы рәисе урынбасары Римма Ратникова, республика министрлары, урынбасарлары катнашты. Сессиягә кадәр Алексей Песошин Пчеловодтагы "Стройком" сәнәгать мәйданчыгында, металл савыт-сабалар заводында продукция җитештерү барышы белән танышты, Кукмара поселогында яшәүче, тиздән 90 яшьлеген билгеләп үтәчәк Александра Михайлова янында булып, аны юбилее белән котлап, Россия һәм Татарстан Президентларының Рәхмәт хатларын, бүләкләр тапшырды. Район Мәдәният йортында оештырылган күргәзмәдә товар җитештерүчеләр үзләренең продукцияләрен тәкъдим иттеләр. Сессиядә район җитәкчесе Сергей Димитриев районның узган елгы эшенә хисап ясады, 2015 елга бурычлар билгеләде.