"Бердәм Россия" сәяси партиясенең Кукмара җирле бүлегенең XX хисап-сайлау конференциясе үткәрелде

"Бердәм Россия" сәяси партиясенең Кукмара җирле бүлегенең XX хисап-сайлау конференциясе үткәрелде. Кукмара җирле бүлеге сәркатибе Сергей Димитриевның политсовет эшчәнлеге турында доклады тыңланды. Конференциядә яшерен сайлау юлы белән алдагы биш елга "Бердәм Россия" сәяси партиясенең район җирле бүлеге сәркатибе итеп район башлыгы Сергей Димитриев сайланды. Шулай ук яшерен тавыш бирү юлы белән политсоветның ун кешедән торган составы һәм ревизия комиссиясе сайланды.

Конференциядә Татарстан Дәүләт Советы рәисе урынбасары Римма Ратникова катнашып, чыгыш ясады. Партиянең Кукмара җирле бүлегенә яңа әгъзалар кабул ителде.