“Восток” хуҗалыгында 60 гектар бәрәңге утыртылган

Бүгенге көндә бар халык: олысы-кечесе бәрәңге утырту белән мәшгуль. Күмәк хуҗалыкларда да сабан культуралары чәчү төгәлләнеп, төп игътибар "икенче икмәк" утыртуга күчте.

"Восток" хуҗалыгында бәрәңге 60 гектарда утыртылган.

-Ике көнлек эш калды, - ди хуҗалыкның генераль директоры Сергей Димитриев.

Бәрәңге утыртуда эшләүче Илдус Сабитов, ярдәмче Хәмит Закиров, басуда чәчүлек материал ташучы Рәис Кәшипов белән Мансур Мөхәммәтшиннар башкарылган хезмәтнең сыйфатлы булуы өчен тырышалар. Көзен җыелган уңыш аларның бүгенге хезмәтләренә бәйле бит...