Трудовая слава
  • Рус Тат
  • Чемпионнар бездә дә бар

    Казан шәһәренең "Көрәш сараенда" республиканың авыл хуҗалыгы һәм азык-төлек министрлыгы призларына милли көрәш буенча традицион турнир узды. 54 команда, дүрт йөзгә якын көрәшче катнашында үткән бу бәйгедә безнең район көрәшчеләре матур нәтиҗәләргә ирештеләр.

    Реклама


    Алтмыш килограммга кадәр үлчәү авырлыгында Олыяз егете, "Урал" күмәк хуҗалыгы шоферы Динар Фәттахов чемпион исемен яулады (тренеры Илсур Нәҗмиев), шундый ук уңышка Өлге авылыннан Руслан Касыймов иреште, аңа сиксән килограммга кадәр авырлыкта тиңнәр табылмады. Команданың ветераны Таһир Әхтәмов призлы өченче урынга (90 кг.) чыкты.
    Гомумән алганда, җиде кешедән торган команда призлы дүртенче урынга лаек булды. Бу уңышка Илгиз Әхмәтгалиев, Фәнил Исмәгыйлев, Илфат Хәбибуллин һәм Илмар Шәймәрдановлар да үзләреннән зур өлеш керттеләр.
    Көрәшчеләрне, тренерларны зур уңышлары белән котлыйбыз.

    Нравится
    Поделиться:
    Реклама
    Комментарии (0)
    Осталось символов: