Кукмара районында прокуратура ярдәме белән ятим тораклы булган

Кукмара районы прокуратурасы җирле кешенең торак хокукларын бозу турындагы мөрәҗәгате буенча тикшерү үткәрде.

Гариза бирүче балигъ булмаган яшьтә ата-ана каравыннан мәхрүм калган. 2016 елда аны торак белән тәэмин итүгә мохтаҗлар исемлегенә керткәннәр. Әмма аңа тиешле торак бирелмәгән.

Ятимнәрнең законлы хокукларын яклау максатыннан, прокуратура судка аны барлык уңайлыклары булган торак белән тәэмин итү таләбе белән гариза юллады.

Прокуратураның дәгъвасы тулысынча канәгатьләндерелде. Күзәтчелек ведомствосы ярдәме белән ятимгә торак бирелде.