Күппрофильле лицеенда тәмәкенең зыяны турында дәрес үткәрелде

Балалар китапханәчесе Нурия Гайнетдинова Кукмара күппрофильле лицеенда “Үз-үзеңә зыян салма” дигән темага сәламәтлек сәгате үткәрде. Чара барышында укучылар тәмәке тартуның яшь организмга китергән зарары турында мәгълүмат алдылар, спорт белән шөгыльләнү, сәламәт яшәү рәвеше алып баруның әһәмияте турында фикер алыштылар. Балалар игътибарына шушы темага карата китаплар, журнал статьялары тәкъдим ителде.