"Шәфкать" тернәкләндерү үзәге белгечләре грант отты

Кукмарадагы "Шәфкать" тернәкләндерү үзәге белгечләре "Ритэк" җәмгыяте һәм "Лукойл" хәйрия фонды оештырган V социаль һәм мәдәни проектлар конкурсында катнаштылар. Индира Габдрахманованың "Минем олимпиада" дип аталган социаль проекты "Мәдәният һәм спорт" номинациясендә, Люция Хөсәенованың "Тылсымлы тубал" проекты "Экология" номинацияләрендә җиңеп чыгып, грант оттылар. Хәзер "Шәфкать" белгечләре каршында үзәк өчен социаль яктан мөһим булган әлеге проектларны тормышка ашыру бурыч булып тора. Ул инвалид балаларны тернәкләндерү өчен һәм аларны әйләнә-тирәдәге шартларга җайлаштыруга ярдәм итәчәк.