Россия көне алдыннан яшь кукмаралылар үзләренең беренче паспортларын алдылар

Россия көне алдыннан Кукмара районы яшүсмерләре Россия паспорты алды. Тантана районның ЗАГС бүлегендә узды, анда район башлыгы урынбасары Резидә Гаянова катнашты.

Район башлыгы урынбасары балаларны тормышларындагы мөһим вакыйга – беренче паспорт алу һәм Россия Федерациясенең тулы хокуклы гражданнары булу белән котлады. Ул аларга тормышта зур уңышларга ирешүләрен теләде.

Чараны оештыручылар паспорт алучыларга Россия Федерациясе Конституциясен, паспорт өчен тышлыклар һәм триколор тасмаларын бүләк иттеләр.

Фото: Эльвира Мөбарәкшина/ «Хезмәт даны»