Район Советында "Наркотикларсыз тормыш" айлыгына йомгак ясалды

Бүген наркоманиягә каршы район комиссиясенең чираттагы утырышы үткәрелде. Анда районда наркотик матдәләрнең законсыз әйләнешен кисәтү буенча район эчке эшләр бүлегенең 9 айлык эшенә, "Мәк - 2013" операциясенә йомгак ясалды. Шулай ук "Наркотикларсыз тормыш" акциясе кысаларында район социаль яклау бүлегендә, Ош.Юмья, Ядегәр авыл җирлегендә шушы юнәлештә башкарылган эшләр, исәптә торган балаларның җәйге ялын оештыру нәтиҗәләре, укучыларны наркоманиядән кисәтү буенча тикшерү барышы һәм башка мәсьәләләр каралды. Наркоманиягә каршы комиссия секретаре Гөлшат Нурмөхәммәтова "Наркотикларсыз тормыш" айлыгына йомгак ясады.