Мәдәният елын йомгаклау концерты булды (+фото)

Район Мәдәният йортында Мәдәният елын йомгаклауга багышланган кичә булды. Тынлы оркестр чыгышы белән башланып киткән бәйрәм зал тутырып килгән тамашачыларны еракларга - моңнар дөньясына алып кереп китте. Районыбызда дус-тату гомер кичерүче татар, рус, мари, удмурт халыкларының дәртле биюләре, моңлы җырлары һәркемнең күңеленә хуш килде. Район җитәкчесе Сергей Димитриев матур тамаша бүләк иткән үзешчәннәргә рәхмәт белдереп, "Идел-йорт" төбәкара фестивалендә катнашып, "Гран-при"га ия булган район халык театры артистларына Рәхмәт хаты һәм бүләкләр тапшырды.