Кукмараның йөз яшьлек әбисен башкала кунагы һәм район җитәкчесе котлады (+фото)

Районыбызның Татар Толлысы авылында яшәүче Миннеханова Мәүлебикә Мөхәмәтгариф кызы үзенең 100 яшьлек юбилеен билгеләп үтте. Гасыр әбисен якташыбыз, Татарстан Республикасы Дәүләт Советы рәисе урынбасары Римма Ратникова, район җитәкчесе Сергей Димитриев котлады. Кунаклар юбилярга Россия Президенты Владимир Путинның котлау открыткасын, Рәхмәт хаты, истәлек бүләкләре тапшырдылар.

Мәүлебикә апаның ире яу кырында ятып кала, бердәнбер кызын берьялгызы тәрбияләп үстерә ул. Аның бер оныгы, ике оныкчыгы бар. Бүгенге көндә гасыр әбисе кызы Зиләрә ханым тәрбиясендә яши.

100 яшьлек әби турындагы язма белән "Хезмәт даны" газетасында танышырга мөмкин булачак.