Кукмарада бер укучы өч фәннән дә БДИны 100 баллга бирде

Бердәм дәүләт имтиханнары тәмамланырга да санаулы көннәр калып бара. Химиядән - 55, географиядән - 19, җәмгыять белеменнән - 215, әдәбияттан 22 егет-кыз БДИ тапшырган иде. Нәтиҗәләр билгеле. Химиядән 7 чыгарылыш укучысы имтиханда 100 балл туплаган. Болар Янил, күппрофильле лицей, Зур Сәрдек гимназиясе, Манзарас һәм Зур Кукмара урта мәктәпләре укучылары.

Зур Сәрдек гимназиясеннән Гөлназ Садриева өч фәннән БДИда 100 балл туплады. Рус теле, биология һәм химия.

-Иң мөһиме - тырышлык. Ялкауланмасаң, уку елы дәвамында фәннәрне яхшылап үзләштерсәң, өстәмә шөгыльләнсәң, уңышларга ирешергә, имтиханны 100 баллык итеп тапшырырга була, - ди ул.

фото: http://4schoolkuryi.ucoz.ru