Хезмәт даны
  • Рус Тат
  • Камышлыда “Фәридә” чишмәсе ачылды (фото)

    Әлеге чишмә Свердловск өлкәсенең Березовский шәһәрендә дөньяга килеп, районыбызның Камышлы авылында үскән галимә Гаффарова Фәридә Юлдаш кызының истәлегенә балалары иганәчелегендә авыл халкы тырышлыгы белән төзекләндерелгән

    Бүген Камышлы авылы халкы өчен сөенечле һәм истә калырлык зур вакыйга булды: "Фәридә" чишмәсе ачылды. Әлеге чишмә Свердловск өлкәсенең Березовский шәһәрендә дөньяга килеп, районыбызның Камышлы авылында үскән галимә Гаффарова Фәридә Юлдаш кызының истәлегенә балалары иганәчелегендә авыл халкы тырышлыгы белән төзекләндерелгән. Тантанада район Башкарма комитеты җитәкчесе Азат Гарифуллин, Березняк авыл җирлеге башлыгы Рөстәм Шәрипов, район мөхтәсибе Зиннур хәзрәт Сәмигуллин, Камышлы авылы имам-хатыйбы Рәдиф хәзрәт Тимергалиев, Фәридә ханымның кызлары, авыл халкы, кайткан кунаклар катнашты. Тәбрикләүләрдән соң ал тасма киселде. Әлеге чишмә киләчәктә дә үзенең шифалы сулары белән халыкны сөендереп торсын иде.

    Реклама

    Мирзәхмәт ИДРИСОВ, Чыңгыз Айтматов исемендәге Кукмара беренче гимназиясенең татар теле һәм әдәбияты укытучысы

    Нравится
    Поделиться:
    Реклама
    Комментарии (0)
    Осталось символов: