"Восток"та узган семинар терлекчелек тармагының узган елгы эш нәтиҗәләренә багышланды (+фото)

"Восток" хуҗалыгы базасында терлекчелек тармагында 2013 ел нәтиҗәләренә багышланган район семинар-киңәшмәсе үткәрелде.

Семинарда катнашучылар Түбән Шәмәрдән терлекчелек комплексында малларны кышлату тәртибе белән таныштылар. Сергей Димитриев җитәкләгән әлеге хуҗалыкта һәр сыердан көнгә уртача 21 килограмм сөт савыла, дәүләткә 11 тонна сөт озатыла. Хезмәт хаклары вакытында түләнеп, салымнар һәм башка түләүләр буенча да вакытында исәп-хисап ясала. Машина-трактор паркында да эш оешкан төстә бара, хәзерге вакытта язгы чәчүдә катнашачак техника ремонтлана.

Семинар-киңәшмәдә район башлыгы Рауил Рәхмәтуллин катнашты һәм востоклыларның хезмәтенә югары бәя бирде.