Районда 30 нчы сентябрьгә кадәр "Экстремизмга - юк!" айлыгы бара

Милләтара һәм дини мөнәсәбәтләрне ныгыту, терроризм һәм экстремизмны кисәтү максатыннан 3нче - 30 нчы сентябрьләрдә "Экстремизмга - юк!" айлыгы узачак. Әлеге айлык кысаларында районыбызда төрле чаралар оештырылачак. Чиркәүләрдә һәм мәчетләрдә Беслан фаҗигасенә багышлап гыйбадәт кылулар, өйлә намазлары укулар узачак. Кукмара үзәк китапханәсендә махсус күргәзмәләр эшлиячәк. Яшьләр һәм спорт эшләре идарәсе яшүсмерләр белән "Экстремизмга - юк" дигән әңгәмә, "Без экстремизмга каршы" дигән рәсем бәйгесе, "Экстремизмга каршы спорт уеннары" девизы астында бәйгеләр уздырачак.

Шулай ук, мәгариф учреждениеләрендә дә төрле чаралар, авыл мәдәният йортларында тематик дискотекалар үткәрү каралган.

фото: http://yandex.ru/yandsearch