"Хезмәт даны" газетасы бу яртыеллыкта 8 меңнән артык гаиләгә киләчәк

2014 елның икенче яртыеллыгы өчен газета-журналларга язылу төгәлләнде. "Хезмәт даны" газетасы бу яртыеллыкта да 8 меңнән артык гаиләгә килеп торачак. Газетабыздан аерылмаган, анда күтәрелгән темаларга битараф калмаган әбүнәчеләребезгә олы рәхмәтебезне җиткерәбез, киләчәктә дә бергә булырбыз, газетаның эчтәлеген һәм сыйфатын яхшыртуда сезнең ярдәмегезгә таянырбыз дип ышанабыз.

Редакция коллективы подписканы оештыруда булышлык күрсәткән иганәчеләргә - шәхси эшмәкәрләр Илсур Шәрипов, Фәнил Хөрәмшин, Артур Дмитриев, Ясирә Гарифуллина, Илнур Хафизов, Расим Фәттахов, район эчке эшләр һәм ЮХИДИ бүлеге җитәкчелегенә зур рәхмәт белдерә.