Район җитәкчесе һәр тармакка бурычлар билгеләде

Район җитәкчесе Сергей Димитриев авыл хуҗалыгы тармагы җитәкчеләре белән үткәргән дүшәмбе киңәшмәсендә авыл хуҗалыгында ел дәвамында башкарылган эшләргә йомгак ясады, 2015 елга мөгезле эре терлекләр санын 30 меңгә җиткерү, бәрәңге, яшелчә үстерү белән шөгыльләнүне җайга салу бурычын куйды. Төзелеш, социаль тармак җитәкчеләре белән үткәрелгән киңәшмәдә исә Яңа ел бәйрәмнәрен файдалы итеп үткәрү, авылларда юлларны чистарту, халыкны азык-төлек һм көнкүреш товарлары белән тәэмин итү, шулай ук куркынычсызлыкны тәэмин итү һәм башка мәсьәләләр турында сөйләшенде.