Кукмара районы территориясендә январь, февраль айларында 11 юл фаҗигасе булды

Агымдагы елның ике аенда Татарстан территориясендә 550 юл фаҗигасе теркәлгән, аларда 61 кешенең гомере өзелгән, 719 кеше төрле җәрәхәтләр алган.

Кукмара районы территориясендә соңгы ике айда 11 юл-транспорт һәлакәте булды, аларда 2 кеше һәлак булды, 11 кеше төрле дәрәҗәдәге тән җәрәхәтләре алды. Фаҗигагә китерүче төп сәбәпләр булып юлның каршы як полосасына чыгу, тиешле тизлекне сакламау тора.

Көннәр язга авышса да, һава торышы гел үзгәреп тора: әле кар, әле яңгыр ява. Юлга чыккан һәркем игътибарлы һәм сак булсын, газиз кешеләрен хәсрәт утына салмасын иде.

Фото: http://www.imeson.ru/index.php