Терроризмга каршы район комиссиясенең чираттагы утырышы узды

Район Советында терроризмга каршы район комиссиясенең чираттагы утырышы булды. Анда Яңа ел бәйрәмнәре вакытында район халкының иминлеген саклау, терроризм куркынычсызлыгы чаралары күрү, мәгариф учреждениеләрендә терроризм һәм экстремистлыкка каршы җәмәгать куркынычсызлыгын тәэмин итү, экстремистлык эшчәнлеге белән шөгыльләнүче затларны ачыклау, аларны кисәтү һәм башка мәсьәләләр каралды. Утырышта район Башкарма комитеты җитәкчесе урынбасары Фоат Зарипов, полиция начальнигы Рамил Нургалиев, янгынга каршы Федераль хезмәтнең ТР буенча 117нче янгын сүндерү часте җитәкчесе урынбасары Илмир Хәбибрахманов, террорга каршы район комиссиясе сәркатибе Гөлшат Нурмөхәмәтовалар чыгыш ясады. Утырышны район башлыгы урынбасары Равия Каримуллина алып барды.