Район башлыгы Югары Өскебаш һәм Битләнгердә яшәүче тыл ветераннарын 90 яшьлек юбилейлары белән котлады (+фото)

Район башлыгы Рауил Рәхмәтуллин тыл ветераннарын - Югары Өскебаш авылында яшәүче Зәйнәп Шәрәпова һәм Битләнгердән Мәймүнә Гарипованы 90 яшьлек юбилейлары белән тәбрикләп, аларга Россия Президенты Владимир Путинның котлау открыткасын, үзенең Рәхмәт хатын һәм истәлек бүләге тапшырды. Шулай ук район социаль яклау бүлеге җитәкчесе Светлана Җамалиева, Түбән Өскебаш авыл җирлеге башлыгы Нургаян Мөхәмәтҗановлар да ветераннарга үзләренең котлау сүзләрен ирештерделәр.

Зәйнәп апа 7 бала әнисе. Аның 14 оныгы, 20 оныкчыгы бар. Мәймүнә апа исә 8 бала тәрбияләп үстергән. Ул исә 11 оныгына, 9 оныкчыгына яраткан әби. Юбилярларны без дә туган көннәре белән котлыйбыз, сәламәтлек, тыныч, имин тормыш телибез.