Район башлыгы Рауил Рәхмәтуллин Матбугат көне белән котлады

Бүген Татарстан матбугаты көне. Бәйрәм уңаеннан район башлыгы Рауил Рәхмәтуллин "Хезмәт даны" газетасы редакциясе коллективын һәм хәбәрчеләрне бәйрәм белән котлады.

-Район газетасы туган төбәгебездәге һәр яңалыкны, тормышыбызның һәр тармагын, булган проблемаларны даими чагылдырып килә, - диелә котлауда. - Журналист сүзенең халыкка йогынты ясау көче зур, ләкин ул сүзнең дөрес, гадел, һәр яктан үлчәнгән булуы зарур. Шуңа редакция хезмәткәрләреннән һәм хәбәрчеләрдән һөнәри осталык, тормыштагы вакыйгаларга объектив бәя бирә белү таләп ителә. Сезгә яңа иҗади уңышлар, сәламәтлек, гаилә бәхете телим.