Казан ветеринария академиясе ректорын үз йортында кулга алганнар

автор, 24 октябрь 2015 - 09:00

862

Татарстанда полиция хезмәткәрләре үз йортында Казан ветеринария академиясе ректоры Галимҗан Кәбировны кулга алды. Ул вәкаләтләреннән явызларча файдалануда гаепләнә. Ректор йортында вуз өчен сатып алынган күзәтү камералары урнаштырган. Җитәкчегә карата җинаять эше кузгатылды. Галимҗан Кәбиров 2012 елның 19 июлендә академиягә 100 мең сумлык видеокүзәтү системасы сатып алу турында бер предприятие белән...

Татарстанда полиция хезмәткәрләре үз йортында Казан ветеринария академиясе ректоры Галимҗан Кәбировны кулга алды. Ул вәкаләтләреннән явызларча файдалануда гаепләнә.

Ректор йортында вуз өчен сатып алынган күзәтү камералары урнаштырган. Җитәкчегә карата җинаять эше кузгатылды.

Галимҗан Кәбиров 2012 елның 19 июлендә академиягә 100 мең сумлык видеокүзәтү системасы сатып алу турында бер предприятие белән килешү төзи. Әмма ректор әлеге камераны уку йортыннан ике чакрым ераклыктагы үз коттеджында урнаштыра.

Хәзерге вакытта Кәбиров Казанның Тимерьюлчылар хастаханәсендә дәвалана. Кулга алганнан соң аның хәле начараеп киткән һәм хастаханәгә озатырга туры килгән.

Галимҗан Кәбиров 2003 елда Н.Э.Бауман исемендәге Казан дәүләт ветеринария медицинасы академиясенә ректор итеп билгеләнә. Ветеринария фәннәре докторы, профессор, терлекчелек технологиясе кафедрасы мөдире.