Кадерле кешебез Нигәмәтуллина Ләбибә Мифтах кызының 1 августта туган көне

Вахит авылында яшәүче кадерле кешебез Нигәмәтуллина Ләбибә Мифтах кызының 1 августта туган көне – 75 яшьлек олы юбилее.

Кадерле әниебез, дәү әниебез! Сине шушы олы бәйрәмең белән чын күңелдән тәбрик итәбез. Сиңа хәерле озын гомер, тән сихәтлеге, күңел тынычлыгы телибез. Һәрвакыт шулай киң күңелле, сабыр, ярдәмчел, олы җанлы булып кал. Алдагы көннәреңдә дә гаилә җылысын тоеп, зур шатлыклар, куанычлар белән гомер итәргә насыйп булсын сиңа.

Дөнья тыныч, еллар имин булсын,

Тормышыңда булсын бәрәкәт.

Олы җаның, изге күңелең өчен

Барыбыздан сиңа зур рәхмәт.

Иң изге теләкләр белән тормыш иптәшең Рәкыйп, кызың, улларың, киявең, киленнәрең, онык-оныкчыкларың.