Райондашыбыз Рузия Габдрахманова кул көрәше буенча Европа чемпионатыннан чемпион исеме белән кайтты (фото)
Румыниянең Бухарест шәһәрендә кул көрәше буенча Европа Чемпионаты үтте. Кукмара металл савыт-сабалар заводы, "Строй- Гарант" оешмасы, "Урал" күмәк хуҗалыгының матди ярдәме белән әлеге сәфәргә кузгалган якташыбыз, ветераннар арасында көч сынашкан Рузия Габдрахманова аннан күңелле хәбәрләр белән кайтты. 80 килограммнан югары үлчәү авырлыгында Рузия уң һәм сул кулы белән дә көрәшеп чемпион калды. Аны Европа чемпионы исеме алуы белән котлыйбыз, октябрь аенда Болгариянең София шәһәрендә үтәчәк Дөнья чемпионатыннан да күңелле хәбәрләр белән кайтуын телибез.
Нет комментариев